//
//
// ]]>
YOUTH MATTERS
Youth Center, Congress ug YouthLinks
Naghinam-hinam na gayud ang tanan alang sa umaabot nga pagbukas ug pagbendisyon sa atong Archdiocesan Youth Center. Kay mga pipila ka semana gikan karon ato nang subhan ang atong youth center ug eskuylahan. Ug hapit na gayud kini matuman bisan kon anaa pay dako nga utang. Hehe!
Kulang pa kaayo ang pundo nga maoy gisaligan sa atong proyekto, ilabi na nga miundang kami makadiyot sa pagpahigayon og mga fundraising programs. Apan bisan pa man sa kakulang, walay makapugong sa pag-inugorar sa atong youth …

PERSPEKTIBO
Isaias 45:1,4-6
“Ngalan ug Apelyido”
Adunay usa ka mabulukon nga pagpadayag diha sa v4 karon niining atong unang pagbasa karon. Kini mao ang gipahayag sa Ginoong Dios pinaagi sa mensahe ni Propeta Isaias kabahin sa pagka-tinawag o pagka-pinili ni Jacob.
Dinhi niining maong mensahe gigamit sa propeta ang pulong nga QARA’ nga adunay kalambigitan dili lamang sa pagsiyagit o pagsinggit kondili kalagmitan nga gawi-on o pagagamiton sa pagtawag o pagpanawag sa ngalan ug labaw sa tanan sa paghingalan. Ug tungod niini gipahimug-atan ang kahulogan nga nailhan gayod pag-ayo ang gihinganlan (si Jacob nga …

PERSPEKTIBO
Isaias 25:6-10a
“Ang Kamot sa Ginoo”
Dinhi sa atong unang pagbasa karon, kansang kinatibuk-ang paglarawan nahasentro sa mga buhat sa Ginoo diha sa Iyang Balaang Bukid ug taliwala sa Iyang katawhan, adunay usa ka mahinungdanong ekspresyon o pagya sa Balaang Kasulatan ang angayan natong hatagan og pagtagad. Mao kini ang “Kamot sa Ginoo”.
Sa pinulongang Hebreo ug diha sa Balaaang Kasulatan, ang “kamot” (‘yad’ o ‘yadh’) maoy bahin sa lawas nga nahilambigit sa buhat o buluhaton, ug tungod niini nahimo kining simbolo o timaan sa kusog, kaisog, kadasig, kasibot, pagka-kugihan ug pagka-gamhanan. Kon …

Isaias 5:1-7
“Parasan”
Maanindot kaayo ang larawan nga gitanyag karon sa atong unang pagbasa. Kini mao ang PARASAN o Ubasan sa Ginoo nga sumala pa sa kaugalingong hubad ug interpretasyon niini mao gayod ang Israel nga piniling katawhan sa Dios.
Apan nganong Parasan man gayod ang larawan nga gigamit ni Propeta Isaias alang sa iyang mensahe?
Ang Parasan man god mahinungdanon kaayo dili lamang isip simbolo kondili, ug labaw sa tanan, maoy haum nga hawanan o natad sa kinabuhi sa katawhan tungod sa matang sa yuta sa ilang nasud: batubatuhon, bakilid-bakilid, bukid-bukid, ug igo …

PERSPEKTIBO
Esequiel 18:25-28
“Paglaum Alang Sa Tanan”
Dinhi sa atong unang pagbasa karong Domingoha gipahimug-atan ni Propeta Esequiel ang duha ka mga kamatuoran: (a) ang Hustiya, Kaangyan o Katarungan sa Dios, ug (b) ang tawhanong kagawasan.
Mahitungod sa Hustisya o Kaangayan sa Dios, tataw kaayo sa langkob sa atong unang pagbasa nga ang magpakasala aduna gayoy silot. Kini tungod sa rason nga ang tanan, o ang matag-usa kanato, pagahukman man gayod!
Kining diosnong paghukom ipasubay sa Kabubut-on sa Dios: ganti o kinabuhi alang …

PERSPEKTIBO
Isaias 55:6-9
“Diosnong Kabubut-on ug Tawhanong Pagpaningkamot”
Adunay bulawanong kamatuoran nga gitanyag ang atong unang pagbasa karong Domingoha. Nahasentro kini diha sa dakong lim-aw sa kalahian tali sa Dios ug sa tawo. Gipahimug-atan kining maong uyok sa mensahe ug kamatuoran diha sa v8 diha sa langkob sa atong pagbasa.
Ang pagpahimug-at gipadayag diha sa pagtagik sa duha ka mga pulong: “hunahuna” ug “dalan”.
Atong hatagan og pagtagad dinhi karon sa atong pagtuki ug pamalandong ang v8b: “…kay ang akong mga dalan dili sama sa inyong mga dalan”.
Ang hubad nga atong gigamit isip pasi-unang kahulogan …