YOUTH MATTERS
 
CBCP – Year of the Youth gitapos niadtong NYD2011
 
Gisaulog ang tinuig nga kasaulogan sa National Youth Day niadtong Disyembre 16, nga mao usab ang unang adlaw sa Misa de Gallo.  Makahuloganon kaayo kining tuiga sanglit gipahigayon man ang nasudnong kasaulogan sa ‘Tuig sa mga Batan-on’ nga gideklarar sa atong kaobispohan nga CBCP-Year of the Youth (2010- December 16 -2011).
Ang atong Artsidyosesis sa Sugbo tiunay nga nagtamud gayud sa mga lagda ug kalihokan nga gimugna gikan sa ulohan.  Gihimo sa atong lokal nga komisyon ang pagsalmot sa mga nasudnong kalihokan, …

PERSPEKTIBO
 
Isaias 52:7-10
“‘Tiil sa Balita’”
 
Ang atong unang pagbasa alang sa Misa sa Adlawan niini karong Domingoha nga mao usab ang Solemnidad sa Pagkatawo sa atong Ginoo usa sa daghan nga mga pahayag sa kapadayagnan sa katumanan sa kaluwasan sa Dios alang sa Iyang katawhan. Naglambigit kini  sa pagsangyaw ug pagmantala  sa maong Maayong Balita. Ug sa pasi-unang tudling pa man lang gani gitutokan na dayon ang ‘magsasangyaw’ – ang mga tiil sa nagdala sa maong maayong balita!
Nganong diha man gayud sa unahan o pasi-una sa perikopiya o langkob sa pagbasa alang …

PERSPEKTIBO
Isaias 61:1-2,10-11 “Pagmaya = Kaluwasan” Karong Domingoha, ang ikatulo sulod sa Panahon sa Adbiyento, gihinganlan usab og Domingo sa “Gaudete” nga nagakahulogan og ‘Paghudyaka, Pagsadya, Pagmaya o Paglipay’. Ang mga pagbasa usab gipahaom niining maong kinatibuk-ang tema sa pagmaya tungod kay haduol na ang adlaw sa kaluwasan! Ang “kahaduol” nagtutok sa takdang panahon sa paglab-as sa Unang Pag-abot sa Manunubos niadtong Unang Pasko (sa Pagkatawo). Busa dinhi niining langkob sa atong unang pagbasa karon atong makaplagan ang maong malanog nga mensahe diha sa vv10-11. Apan ang lintunganay nga hinungdan gilatid …

CARDINAL VIDAL, MGA KATEKISTA GIPASIDUNGGAN
 
Gipasidunggan sa mga katekista sa artsidyosesis si Ricardo J. Cardinal Vidal, ang arsobispo-emerito sa Sugbo, pinaagi sa pagtunol kaniya sa  Exemplary Service Award atol sa gipahigayon nga 5th Archdiocesan General Catechetical Assembly niadtong miaging Nobyembre 29, 2011 sa Hoops Dome, Lapu-lapu City.
 

Sumala pa sa mga tagdumala sa Catechetical Apostolate sa artsidyosesis, nga maoy nagpasiugda sa maong assembly,  nga sa iyang dul-an 30 ka tuig isip Arsobispo sa Sugbo, daghan ang iyang mga nabuhat alang sa catechetical program sa artsidyosesis  ug sa mga katekista.
 
Lakip niini ang iyang …

PERSPEKTIBO
 
Isaias 40:1-5,9-11
“Kapadayagnan sa Himaya”
 
Kining atong unang pagbasa karon, niining Ika-duhang Domingo sa Adbiyento, mao ang solemneng pasi-una o ‘prologo’ alang sa ika-duhang yugto sa libro ni Propeta Isaias nga nailhan na karon isip “Deutero-Isaias” o “Ika-duhang Isaias” nga langkob ang mga kapitulo 40 – 55.
Ang maong langkob sa mga kapitulo nahisulat sa panahon sa Pagka-hikling (Exile) didto sa Babiloniya ug nagpahimug-at sa mensahe sa kahupayan, pagdasig ug paghudyaka. Ang duha ka mga pulong nga nanag-una, “Hupaya, hupaya…” maoy malanog nga pagbutyag sa kinatibuk-ang tema ug mensahe sa propeta alang sa …

PANAHUM
SUBAYON  ANG GILATID
Niining padayong kontrobersiya nga naglambigit sa pagpadakop sa kanhi presidente sa nasud, Gloria Macapagal-Arroyo, gikinahanglan ang mas higpit nga pagtamud sa balaod ug mga linatid nga pamaagi.
Mga gamhanang pwersa ang nagbangga niining maong kasungian ug sayon da ang pagpanglaktud og mga proseso, ilabi na sa habig sa administrasyon, aron lamang pagkab-ot sa katuyoan.
Nga mosangpot usahay sa pagdumili sa pagtahud sa ubang mga kagahuman sa kagamhanan, nga maoy gipasangil sa kampo sa kanhi presidente sa dihang ang Secretary of Justice wala motuman sa mando sa Korte Suprema kalabot sa …