Kining atong unang pagbasa karong Domingoha makaplagan diha sa bahin sa Unang Libro sa mga Hari ubos sa titulo nga ”Siklo ni Elias” (Elijah Cycle) o asoy-saysay  sa mga panghitabo sa kinabuhi ug pagka-propeta ni  Elias,  ang  usa  sa  labing  bantugan  nga  propeta  sa Israel.
Langkob kini sa mga kapitolo 17, 18 ug 19. Gipadayag dinhi sa maong bahin ang mahinungdanong papel ni Elias isip propeta ug manlalaban sa Ginoong Dios batok sa pagsimba kang Baal. Puno kining maong bahin o siklo sa mga milagro. Ug kining maong yugto dinhi sa …

Tungod sa Pangilin sa mga Santos, karong Domingoha espesyal ang atong mga pagbasa. Ug dayag gayod kaayo kini diha sa atong unang pagbasa.
Dinhi gilarawan ang duha ka pundok sa katawhan: (1) ang 144,000 nga mga suluguon sa Ginooo nga sinilyohan ang mga agtang (vv3-4) ug (2) ang bagang panon sa mga nakadaug sa mga pagsulay ug pag-antos kansang gidaghanon dili gayod maihap (vv9,14).
Kinsa man kini sila?
Sumala sa v4 ang 144,000 nga sinilyohan ang mga agtang mao ang mga suluguon sa Ginoo nga nagagikan sa 12 ka mga tribu sa Israel. …

Kinaadman 7:7-11
‘’Kinaadman: Tinuod nga Bahandi’’
Ang atong unang pagbasa karong Domingoha nagbalik-lantaw sa labing mabulukon ug talagsaong kasinatian sa kinabuhi ni Haring Solomon. Mao kini ang buot ipasabot ug gipasunding sa giingon sa v7 nga PAG-AMPO.
Kining maong “pag-ampo” makaplagan diha sa 1 Mga Hari 3. Dinhi gipangayo ni Haring Solomon ang KINAADMAN labaw sa tanang butang nga mahimo niyang pangayuon ug ihatag kaniya sa Labawng Makagagahum.
Karon niining maong masauluganon nga pagpahayag, giyagyag ni Haring Solomon ang tanan mahitungod sa Kinaadman. Nga kini labaw pa sa mga bahandi, kay diha kaniya magagikan …

Kining atong unang pagbasa karon usa ka talagsaong hitabo diha sa Bibliya subay sa propetanhong tradisyon sa Israel. Talagsaon usab kini diha sa iyang kaugalingong kahulogan ug pagkamahinungdanon.
Ang gilarawan ug gihisgotan dinhi mao ang pagpaambit sa Dios sa Iyang Espiritu. Mao kini ang naandan nga pagbubo o pagkunsad sa Espiritu.
Apan lahi ang gihimo sa Dios dinhi kay ang gipaambit sa Dios ngadto sa mga piniling 70 ka mga tawo mao man ang tipik sa Espiritu nga diha nang daan kang Moises (v25).
Dugang pa nga nakalahi ug nakahimong talagsaon niining maong …

Kon niadtong miaging Domingo atong nabati mismo ang awit sa Nag-antus nga Suluguon sa Ginoo, karong Domingoha atong madungog ang mga tampalasan nga nagdaog-daog ug nagpasipala sa mga matarong kansang lintunganay nga pagpuntriya mao ang Suluguon mismo sa Ginoo.
Sumala sa Cristohanong pagsabot sa maong mga tudling, nga sa kinatibuk-an gikan sa v12 hangtud sa v20, kini diretso nga panagna mahitungod sa Pasyon o pagpakasakit ug pag-antus ni Jesus (tan-awa ang Mateo 27:41-44).
Sa pagkatinuod lakbit kining bahina nga gihisgotan diha sa ikaduhang panagna ni Jesus sa Iyang mahiagoman didto sa Jerusalem …