PERSPEKTIBO
 
Deuteronomio 18:15-20
“Pagbayaw=Pagpili=Pagbanhaw”
 
Ang atong unang pagbasa karong Domingoha nahatutok diha sa saad-panagna sa Dios diha sa mga ngabil ni Moises mahitungod sa pagabayawon o pagapili-on nga Propeta nga sama kang Moises gikan sa katawhan.
Mahinungdanon  kaayo  kining  maong  tema  o dugokan dinhi tungod kay usa kini ka paglatid sa hanig kansang katumanan pagahimuon diha kang Jesus (tan-awa ang ebanghelyo karong Domingoha, Markos 1:21-28, ilabi  na  ang  v21) sa Iyang pagsugod sa Iyang mga buluhaton ug mga pagtulon-an – ang Iyang ministeryo sa pagsangyaw sa Maayong Balita ug pagtukod sa Gingharian sa Dios/Langit …

PERSPEKTIBO
 
Isaias 9:1-6
“Paghudyaka sa Ting-ani”
 
Ang pangilin sa Balaang Bata, ang atong pinalang-gang Senyor, dili gayud ikalimod nga magdala kanatong tanan  og  kasadya,  kasaulogan ug paghudyaka. Ang kabaga sa duot sa katawhan sa pag-Sinulog usa lamang ka bahin sa kinatibuk-ang bul-og ug lintunganay sa maong pangilin.
Dili gayud usab ikalimod nga kining maong lintunganay sa pangilin sa Senyor gilarawan ug gilakbit-saysay diha sa atong unang pagbasa karon diha sa v2 isip hudyaka atol sa panahon sa ting-ani samtang ang katawhan naggahinay sa ilang abot ug naani.
Tinuod gayud kaayo kining maong larawan ilabi na  …

PERSPEKTIBO
 
Mga Numero 6:22-27
“PANALANGIN ug TESTAMENTO“
 
Ang langkob sa atong unang pagbasa karong Domingoha, ang Pangilin sa Pagka-Inahan ni Maria ug usab mao ang Bag-ong Tuig o pagsugod og bag-ong kalendaryo sibil (kay kon liturhikanhong kalendaryo, niadto pang Unang Domingo sa Adbiyento nagsugod ang maong kalendaryo), mao ang gitawag ug nailhang “mga pari-anong panalangin”.
Kining maong mga panalangin sumala sa v27 sa atong unang pagbasa karong Domingoha mao ang paagi sa pagbutang o pagpatik sa Ginoong Dios sa Iyang Balaang Ngalan diha sa Iyang piniling katawhan. Ang pagpatik sa Ngalan sa Ginoo diha …

PERSPEKTIBO
 
Isaias 52:7-10
“‘Tiil sa Balita’”
 
Ang atong unang pagbasa alang sa Misa sa Adlawan niini karong Domingoha nga mao usab ang Solemnidad sa Pagkatawo sa atong Ginoo usa sa daghan nga mga pahayag sa kapadayagnan sa katumanan sa kaluwasan sa Dios alang sa Iyang katawhan. Naglambigit kini  sa pagsangyaw ug pagmantala  sa maong Maayong Balita. Ug sa pasi-unang tudling pa man lang gani gitutokan na dayon ang ‘magsasangyaw’ – ang mga tiil sa nagdala sa maong maayong balita!
Nganong diha man gayud sa unahan o pasi-una sa perikopiya o langkob sa pagbasa alang …

PERSPEKTIBO
Isaias 61:1-2,10-11 “Pagmaya = Kaluwasan” Karong Domingoha, ang ikatulo sulod sa Panahon sa Adbiyento, gihinganlan usab og Domingo sa “Gaudete” nga nagakahulogan og ‘Paghudyaka, Pagsadya, Pagmaya o Paglipay’. Ang mga pagbasa usab gipahaom niining maong kinatibuk-ang tema sa pagmaya tungod kay haduol na ang adlaw sa kaluwasan! Ang “kahaduol” nagtutok sa takdang panahon sa paglab-as sa Unang Pag-abot sa Manunubos niadtong Unang Pasko (sa Pagkatawo). Busa dinhi niining langkob sa atong unang pagbasa karon atong makaplagan ang maong malanog nga mensahe diha sa vv10-11. Apan ang lintunganay nga hinungdan gilatid …