PANAHUM
SUBAYON  ANG GILATID
Niining padayong kontrobersiya nga naglambigit sa pagpadakop sa kanhi presidente sa nasud, Gloria Macapagal-Arroyo, gikinahanglan ang mas higpit nga pagtamud sa balaod ug mga linatid nga pamaagi.
Mga gamhanang pwersa ang nagbangga niining maong kasungian ug sayon da ang pagpanglaktud og mga proseso, ilabi na sa habig sa administrasyon, aron lamang pagkab-ot sa katuyoan.
Nga mosangpot usahay sa pagdumili sa pagtahud sa ubang mga kagahuman sa kagamhanan, nga maoy gipasangil sa kampo sa kanhi presidente sa dihang ang Secretary of Justice wala motuman sa mando sa Korte Suprema kalabot sa …

PANAHUM
ANG WANG-WANG
Gigamit ni Pres. Aquino sa iyang State of the Nation Address kun SONA ang “wang-wang” nga maoy simbolo sa mga pag-abuso ug kahiwian diha sa kagamhanan, ilabi na gayud sa miaging administrasyon.
Gibansiwag niyang ehemplo giingon niyang usa ka bilyon nga gigasto sa Pagcor alang lamang sa kape (!), nga gisagolan sa presidente og kantalita sa pagpangutana kon karong panahona nakatulog naba ang mga nakainom niini.
Sa yanong pagka-tagik iyahang gibatbat ang iyang nahimo ug ang mga himoonon pa, ug ginamit ang laing simbolo, ang kanunay niyang gipahimug-atan nga …

PANAHUM
RIZAL
Nibalik sa nasudnong kahimatngon ang personahe sa labing bantugan natong bayani, si Dr. Jose Rizal, sa atong pagsaulog sa ika-150 nga sumad sa iyang adlawng natawhan sa miaging Hunyo 19.
Apan hinaut nga kining pagpukaw sa atong interes sa iyang kinabuhi ug mga buhat dili mapawong sa pagliwas sa maong selebrasyon, ug maghulat na usab  og laing espesyal nga kasaulogan alang kaniya aron kini mabanhaw.
Kay si Rizal padayon nga mapuslanon ug makahuloganon natong mga Pilipinhon sa kasamtangan ug dili lamang hilisgutan diha sa kasaysayan.
Atong hinumduman, pananglit, nga ang labing dakong  hinungdan …

Date: May 29, 2011
LAING HUGNA SA SAKRIPSIYO
Pipila ka adlaw na lamang, magsugod na usab ang tingtungha sa mga estudyante. Laing ang-ang alang sa ilang maayong kaugmaon.
Pagpanglantaw sa ugma nga maghatag og kainit sa dughan sa mga ginikanan. Ug labad sa ulo tungod sa pagsaka sa mga palalitong pang-eskuyla ug bayranan sa eskuylahan.
Aduna nay mga unibersidad nga nagpahibalo nang daan sa ilang pagpasaka sa matrikula. Tungod kay daghan mang ginikanan ang mangandoy gayud og maayong edukasyon sa ilang mga anak daghan ang moutong na lamang niining dugang nga kabug-at sa …

Karon nga mi-resign na si kanhi Ombudsman Merceditas Gutierrez gikan sa iyang pangatungdanan, ug misalbar sa nasud gikan sa usa ka makapabahin-bahin nga proseso sa impeachment trial, anaa na kang Pres. Benigno Aquino III ang tahas sa pagbutang og iyang kasaligan nga ombudsman.
Ug sa ingon ang kaakohan sa paglimpyo sa publikong panerbisyo publiko dili na niya mapasangil sa kanhiayng administrasyon kon ugaling dili kini molampus.
Nga maoy iyang reklamo sa unang tuig sa iyang presidensiya tungod kay, sumala pa niya, ang opisina ug ang labawng opisyal niini nga mao untay mogukod …