GIYA SA BEC/GKS MAKALIPANG

Giandam sa BEC Secretariat

Agosto 5, 2012

(ST. JOHN BAPTISTE MARIE VIANNEY SUNDAY)

IKANAPULO’G WALO NGA DOMINGO SA

ORDINARYONG PANAHON

TEMA:  “AKO ANG TINAPAY NGA NAGHATAG OG KINABUHI”

1.  Pasiuna sa Ebanghelyo:

Dinhi nagsugod ang unang bahin sa wali: si Jesus mahimong atong pan o pagkaon kon motuo kita Niya.

2.  Pagbasa, Pagpaminaw, Pagpamalandong sa  Pulong sa Dios:

     (Kalambigitan sa Kinabuhi ug sa Pulong sa Dios)

Unang Pagbasa              :    Ex 16:2-4, 12-15

Ikaduhang Pagbasa       :    Efeso 4:17, 20-24

Ebanghelyo                    :    Juan 6:24-35

3.  Kahilum (Paghatag og higayon nga ang Ginoo mosulti kanato):

Mga pangutana isip giya sa pamalandong ug paambitay:

a)   Unsay pulong o mga pulong ang nakatandog kanako  sa maong Ebanghelyo?  Ngano man?

b)    Unsay mensahe niini para kanako nga akong ikapaambit sa akong mga kaubanan sa BEC selda?

4.  Pag-inambitay (Hatagan og higayon ang matag-usa sa pag-paambit sa ilang kasinatian sumala sa Ebanghelyo nga gibasa):

5.  Lihok-Sulbad (Pagahimoon human sa paambitay):

     Pag-estorya ug unsa ang mga buluhaton nga himoon:

a)    Pagtaho sa miagi nga buluhaton.

b)    Unsay bag-ong buluhaton nga himoon?

6.  Kinabuhi ug Pagtulon-an sa Simbahan

           (Basahon human sa paambitay):

Sa nangaging panahon, dihang gigutom ang mga Israelita sa kamingawan, ang Dios naghatag kanila’g manna. Gipasalamatan nila ang Dios tungod sa Iyang gasa. Apan kon anag Dios mao ray atong maghahatag, kanunay tang magbalikbalik og pangayo, ang mahitabo mao nga sa ngadto-ngadto ang naa sa atong hunahuna mao ra ang ihatag sa Dios kanato, maglisod na tag magpasalamat. Mangayo ta ug moreklamo na pod.

Ang tinuod mao nga ang tawo nanginahanglan og labaw kay sa pagkaon: labaw pa sa pagkaon ug pag-inom. Nangita siya anang dili na gyod makapasinati niyag gutom o uhaw. Kining tanan matuman sa adlaw sa pagkabanhaw diin ang tanang balaan mag-alirong nga puno sa kalipay sa kombira sa Gingharian sa Dios.

7.  Pangamuyo:  (tanan)

Pamati, katawhan ko, sa akong pagtulon-an;

Paminawa ang mga pulong sa akong baba.  Amen