SUKNAAN

PANGUTANA:

Sa sibya sa Traditionalist sa usa ka Radio siya miingon nga gikondenar ni Papa Pio V, sa tuig 1570 A.D. ang mga Papa sa Modernong panahon ang mga Obispo ug mga pari nga mag-Misa nga di Latin excommunicated, lakip ang mga nanimba nga nahibawo nga gidili kini ni Papa Pio V sila mga ekskomulgado kun nahigawas na sa Iglesya Catolika, husto ba ang maong Traditionalist? (Bro. Carlos Pastorite, San Isidro, Talisay City).

TUBAG:

Ang maong pahayag dakong sayop. Si Papa Pio V, dugay  nang  namatay  sa  tuig 1572 A.D., wa nay gahom ang usa ka Papa nga patay nga mo-excommunicate sa naulahi ug mga buhing papa, mga obispo, mga pari ug mga layko.

Ang iyang gahom sa namatay nga papa nga mao ang Public Juridic Act, gahom sa pag-create, change, nullify, modify or revoke a law, mihunong na, nahunong usab ang iyang Jurisdiction kun public faculty to govern others. Ang interpretation sa Traditionalist nga naggamit ni Papa Pio V nasayop. Ang buhi hinoon nga Papa sama ni Papa Leo II (680 A.D.), mipakanaog og hukom ni Papa Honorius I, 638 A.D. usa ka papa nga patay na, ang sayop niini dili bahin sa iyang Papal Infallibility – (Church History by J. Laux, p. 158).

Sa parapo 10 sa Quo Primum ni Papa Pio V maoy gihukman niya nga ma-excommunicated kadtong mga Tigpatik og basahon nga mopatik niini sa Missal nga iyang gipasiugdahan. “The said Missal may be preserved incorrupt. . . In the case of all printers, of those resident in other parts of the world, it shall be automatic excommunication. . . they must not dare or pressume either to print or publish. . . without our approval and consent.”

Si Papa Pio V sa iyang Quo Primum, makadaghan migamit sa iyang revision ug re-issue sa Missal ingon nga decree (par. 2) law sa (par. 5), law (par. 8) constitution (par. 11) statute, ordinance, command sa (par. 12). Apan sulod niini walay mabasa nga iyang gibalaod nga Dogma ang pinulongan sa Misa nga Latin lamang.

Mahinumdoman, nga ang balaod sa usa ka nag-una nga Santo Papa kon dili dogmatic mausab sa nagsunod nga papa, alang sa pagpalapad nga kapuslanan ug kalamboan sa pagtuo sa Katawhan sa Dios.

Si Papa Pablo VI, sa Sacro Sanctum Consillum par. 36 no. 1 & 3, mipadayag, “Particular law remaining in force, the use of Latin Language is to be preserved in the Latin Rites. It is for the competent ecclesiastical authority to decide, and to what extent, the vernacular language is to be used their decrees are to be approved, that is confirmed by the Apostolic See” “Kon duna kami giusab sa misa, kadto lang bahin sa mausab sama sa pinulongan, kay kini dili man bahin nga dogmatic. Among gipasalig nga wala kami giusab sa Misa nga makayatak sa lintunganay sa atong Misa nga Traditional”. (THE MASS IS THE SAME No. 4, 5 & 10 No. II, no. 8).

Sa 17 ka dogma sa Misa walay usa nga nagpadayag nga ang pinulongan sa Misa nga Latin lang, usa ka dogma o kondili mausab (Fundamentals of the Catholic Dogma pages 373-412).