YOUTH MATTERS

COY programs… Go, glow and grow

Duol na kaayo gikan karon, 27th Local World Youth Day na!  Wala na gani kaabot og tulo ka semana; ang mga batan-on nga gikan sa mga parokya moabot na.  Ug sama sa naandang kasaulogan, ang atong dakbayan karong tuiga mao na usab ang magkaguliyang tungod sa paglugsong sa batan-on gikan sa mga parokya.

Bisan kon nagkapuliki karon ang tanang parokya’ng mo-host, naningkamot nalang intawon sila nga maandam na niining panahona, bisan kon sa tinuod nagkalisod-lisod pa.  Panghinaut nalang hinoon sa mga organizers nga ang mga youth pilgrims mismo mangandam na, lawas ug kalag, aron magmabungahon ang kasaulogan nga umaabot.

Gawas sa baynte-syete ka mga representatives matag parokya, adunay mga taga Maasin (63 kabuok), Naval (50 kabuok), Calbayog (1), Butuan (10 kabuok) ug Benguet usab nga mosalmot.  Tungod niini, naghinamhinam na ang tanan nga nagpaabot aron makighimamat sa tanang partisipante sa 27thLWYD. Iampo ta ang kalampusan niini!

Alang sa dugang kasayuran kabahin sa 27th LWYD, tawag lang sa COY office @ 253-0173.  Mamahimo usab nga mobisita kamo sa COY website, www.coycebu.org

Sa laing bahin, nagsugod na gayud ang ika-18th batch sa atong YouthLinks Training Center.  Gisugdan kini niadtong Pebrero baynte-syete, nga gitambongan sa tanang estudyante.  Nag-abot ang mga estudyante nga nikuha sa nagkalainlaing kurso sa kompyuter ug sila usab nga nag-eskuyla karon sa mga kursong Bread & Pastry Production ug Housekeeping.

Sa pagkakaron nagpadayon na ang gisugdan nga klase; ang mga computer courses atua gihapon ipahigayon sa YouthLinks Center sa Capitol Parish, sa may dalan Escario ug ang mga kursong HRM didto himoa sa atong bag-o nga Archdiocesan Youth Center.

Salamat kaayo nilang Sis. Monic ug Sis. Gina, mga madre sa Franciscan Missionaries of Mary (FMM) nga maoy mohatag og Catechesis sa atong mga estudyante matag 2nd ug 4th Fridays sa bulan.  Sila ang atong kaabag sa pag-atiman sa ongoing youth formation ug paghatag sa values formation sa mga estudyante.

Ang mga madre anaa nagpuyo karon sa Guadalupe Heights Village, ug makontak sa telepono, 255-5215.  Ug kon ugaling adunay mga batan-on’g dalaga nga interesadong mosulod sa pagkamadre aron makaalagad sa Simbahan, ilabi na sa youth ministry, pangitaa lang si Sis Gina, FMM, nga maoy Vocation Animator sa maong Congregation.  Gidapit usab kamo ni Sis. Monica Batucan, matag 1st Sunday of the month (2:00 -5:00PM) didto sa ilang kombento alang sa espesyal nga tigom ug sa pakighimamat kaninyo.

Kon aduna kamoy buot masayran kabahin sa atong YouthLinks Center, nga rehistrado sa TESDA, ug sa buot mogamit sa atong Youth Center alang sa seminars, recollections ug uban pa, tawaga lang si Ma’am Tere sa telepono, 520-5234.  Maghuwat kono siya.

Donation for Archdiocesan YouthLinks Center:

Halin sa karaang newspapers ug

plastic bottle. . . . . . . . . . . . . . . . . . Php 100.00