DILI SA PAN LAMANG. . .

(Pamalandong  sa  Lev 13:1-2, 44-46, 1 Cor 10:31 – 11:1 ug Mar 1:40-45 nga ipabasa  sa Simbahan sa “6th SUNDAY IN ORDINARY TIME”, “Cycle B, Year II”, Pebrero 12, Domingo, 2012.)

ANI  rong “Ika-unom nga Domingo ‘sa tuig’ ”. . nagpadayon ta sa pagpamalandong sa “His Proclamation of the Kingdom of God” kanunay gyud “with His call to conversion”. . “conversion” gikan sa “sakit” ngadto sa “maayong panglawas”. . “conversion” gikan sa “sala” ngadto sa “pagpasaylo”. . “conversion” gikan sa “samok” (tungod sa “panulay) ngadto sa “kalinaw”.

Sa panahon sa atong Ginoong Jesu-Cristo. . ang “sakit sa sanla” naka-“samok” sa gitakbuyan. . ug naghulagway sa “sala nga mortal”. Sumaa sa “Basahon sa ‘Levitico’ (13:1-2, 44-46). . ang “sanlahon” giisip nga “hugaw”. . “ug kay ‘hugaw’ man siya, magpuyo siya nga ‘mag-inusara’ sa usa ka puloy-anan gawas sa kampo.”

Kun si “Jesu-Cristo” lang gyuy atong “tan-awon ug tutokan”. . makadayeg gyud ta sa Iyang “gibuhat”. Sibo sa Iyang dalaygong hiyas sa pagka-“available and approachable” bisag-asa ug bisag-kanus-a. . nagpa-“duol” Siya. . ug mi-“hikap” sa “sanlahon”. “Buhat sa kaluoy” gyud tong iyaha. . ngadto sa “makaluluoy”.

Nasayod na ta, ang “maluluy-on” mobutang gyud sa iyang kaugalingon sa pwesto sa “makaluluoy”. . pananglit, sa “gigutom”. . sa “gi-uhaw”. . sa “dumuduong”. . sa “hubo”. . sa “masakiton”. . ug sa “gi-priso”. Ang “maluluy-on” ra gyuy makaingon. . “Sahe ra gud, kun ako pay “makalu-luoy”. .

GAWAS nga Siya si “Jesus” “maayo ug maluluy-on”. . andam Siya mo-“buot” kun “hangyoon” sa dakong pagpaubos. . ug “willing and able” gyud Siya nga motabang sa nanginahanglan.  Hinoon,  duna  gyud sab Siyay mga “panugon” ug mga “pahimangno”. . agig pag-“testing” sa “pagtuo ug pagsalig” sa Iyang “buot tabangan”.

Diha-diha nga “na-ayo” na ang “hugaw”. . diha nga Iya nang gipalakaw ang “nag-inusara”. . Iyang gipahimangnoan pag-ayo. . “Ayaw ni isugilon kang bisan kinsa”. Ngano man? Kay di Niya buot nga ma-ilhan lang Siya nga “healer”, nga “exorcist”, o nga “wonder-worker”. . gawas pa niana, may panahon ra nga ma-ilhan Siya sa Iya gyud pagka-Siya, “Jesus”, ang “Manluluwas” sa “sala sa Iyang katawhan”.

Sa iyang bahin, ang na-ayo na nga ‘sanlahon”, tungod sa iyang kalipay, na-“excited” kaayo siya, ug “milakaw” ug “nanugilon sa tanang katawhan mahitungod sa nahitabo”. . sa ato pa, nga siya “na-milagrohan”. Ni “San Marcos” pa, “hilabihan gyud niyang panugilon” kay lagi hilabihan sab ang iyang “dakong kalipay” ug “daghang pasalamat”.

Apan waa gyud magpadaa si “Jesus” sa “public perception”.. waa Siya madani sa Iyang “popularity” isip “miracle-worker”. Hinoon, “nagpabilin Siya sa mga dapit nga awaaw”. . ug didto “nagpa-duol” Siya sa “mga tawo nga gikan sa nagkalainlaing dapit”. . gikan sa kasikbit nga mga balangay. . diin nag-“Proclamation” na sab Siya sa “Kingdom” of God”. . “with His call” gihapon “to conversion”.

Hinaut unta nga, sama ni “San Pablo”, makaingon sab ta sa usag-usa. . “Busa panig-ingon kamo kanako sama nga nanig-ingon ako kang Cristo” (1 Cor 11:1).

ISIP “mga sumosunod ni Cristo”. . di lang “mosunod” ta Niya, di lang mo-“follow” ta Niya. . kondi mo-“imitate” gyud Niya. . ato gyud Siya “sundon” sa Iyang mga dalaygon ug sulondon nga mga “hiyas ug taras”, kutob sa mahimo.

Pananglit, tinguha-on ug paning-kamutan nato ang pag-awat sa Iyang “availability” bisag asa. . ug sa Iyang “approachability” ni bisan kinsa. . “moduol” ug “magpaduol” gyud unta ta bisag asa ug bisag kanus-a. Sa atong pag-“simba”, pananglit. . mag-tupad unta ta sa usa ka ludhanan, aron inig-“Ihatag nato ang tima-an sa pag-inigsoonay”. . maka-“touch each other’s lives” gyud ta.

Gawas na sab unta sa “Simbahanan”.. “at home and at work”. . unta “magmaluluy-on” ta sa “mga makaluluoy”. . kutob sa mahimo, unta ibutang nato ang atong kaugalingon sa pwesto, sa kahimtang, sa uban nga lain, lahi ug labaw ka “makaluluoy” kay kanato. Busa, inaghat gyud unta sa “gugma” ang atong pagpahigayon, pananglit, sa mga “buhat sa kaluoy”.

Pagka-nindot kun matag usa kanato, ma-“pari” ta o ma-“parokyano”, maka-ingon sab, sama ni “San Pablo”. . “Gipaningkamutan ko ang pagpahimuot sa tanang tawo. . sa walay paghunahuna sa kaugalingon kong kaayohan, kondi sa kaayohan sa tanan aron sila maluwas” (1 Cor. 10:33).

Mientras tanto, ani lang “Buwan sa Pebrero” ipadayon ta ang pagsaulog sa “World Day of Consecrated Life / Religious Life”. . sa “Pro-life Sunday”. . ug sa “World Day of the Sick”, bisag milapas na ang “Pebrero 2, 5 ug 11”.