KADIYOT LANG. . .

Pakigbugno batok sa mga kakulian

Si Hank Aaron, usa ka African American baseball hero, gumikan sa iyang record sa Major Baseball League sa America, “for the most home runs hit by any player.” Kahibawo man ta nga ang labing kinaham nga sports sa America, mao ang baseball. Nga kon mo-excel ka niini, ma-hero gyud ka. Mao ni ang nahitabo ni Hank Aaron.

Apan, ang mga kadaugan ni Hank wala niya maangkon sa labing dali ug labing sayon nga paagi. Iyang nahiaguman ang daghang kakulian ug mga pagsuway sa kinabuhi, ilabina gumikan sa iyang pagka-African.

Giingon dinhi nga: “Because of racism, he had to struggle against  the odds time and again, often facing taunts and jeers from the world outside the baseball field.” Suliyawan ug  bugalbugalan siya sa katawhan. Alang niya, morag wala siyay na-accomplished.

Apan, kining tanan, ug ubang kakulian nga iyang gipas-an sulod sa 20 ka tuig, wala makapa-discourage kaniya. Wala makapahuyang kaniya, nagpabilin ang iyang determination, hangtud nga iyang nakab-ot ang kalampusan.

Sa ato karong kahimtang, wala ba mosantop sa atong panghunahuna nga mora sad ta og walay nahimo, walay na-accomplished? Wala ba mahitabo kanato nga mora kitag nag-atubang, nakigbugno batok sa kalibutan, as if, atong gikaaway ang tibuok kalibutan?

Kon moabot kini kanato, aniay pag-ampo, gisugyot ni Patricia Lorenz, kinsa maoy misulat bahin sa kaagi ni Hank Aaron, sa libro, Everyday Blessings:

“Heavenly Father, when I feel as if I’m not accomplishing anything, give me the grace and determination to keep hammering away and remind me that someday, with your help, I will have accomplished something great.” … sama kang Hank Aaron, who fought a war against all odds.

Ug lagmit kining mga kakulian nga ato karong giatubang, wala  lang  sa kumingking sa kang Aaron. Keep hammering, matud pa!