GIYA SA BEC/GKS MAKALIPANG

Giandam sa BEC Secretariat

Pebrero 19, 2012

IKA-PITO NGA DOMINGO SA ORDINARYONG PANAHON

TEMA:  “BAROG, DAD-A AND IMONG GIHIGDAAN

UG PAULI SA INYO”

1.  Pasiuna sa Ebanghelyo:

Niining milagro sa pag-ayo ug pagpasaylo sa paralitiko, tulo ka tubag ang gihatag ni Jesus sa usa ka higayon: sa masakiton, sa mga higala ug sa mga Pariseo.

2.  Pagbasa, Pagpaminaw, Pagpamalandong sa  Pulong sa Dios:

   (Kalambigitan sa Kinabuhi ug sa Pulong sa Dios)

Unang Pagbasa              :   Is. 43:18-19, 21-22, 24-25

Ikaduhang Pagbasa      :   2 Cor 1:18-22

Ebanghelyo                     :   Mk. 2:1-12

3.  Kahilum (Paghatag og higayon nga ang Ginoo mosulti kanato):

Mga pangutana isip giya sa pamalandong ug paambitay:

a)   Unsay pulong o mga pulong ang nakatandog kanako  sa maong Ebanghelyo?  Ngano man?

b)   Unsay mensahe niini para kanako nga akong ikapaambit sa akong mga kaubanan sa BEC selda?

4.  Pag-inambitay (Hatagan og higayon ang matag-usa sa pag-paambit sa ilang kasinatian sumala sa Ebanghelyo nga gibasa):

5.  Lihok-Sulbad (Pagahimoon human sa paambitay):

     Pag-estorya ug unsa ang mga buluhaton nga himoon:

a)   Pagtaho sa miagi nga buluhaton.

b)   Unsay bag-ong buluhaton nga himoon?

6.  Kinabuhi ug Pagtulon-an sa Simbahan (Pagabasahon human sa paambitay):

Ang mga Pariseo, alang sa mga yanong tawo, wala kaayo sila makurat nga nagpasaylo si Jesus, kay wala silay igong kahibalo bahin sa tinuohan nga ang Dios ra ang makapasaylo sa mga sala. Apan alang sa mga Pariseo ug magtutudlo sa balaod, ang gibuhat ni Jesus pakigtupong sa Dios. Ang ilang kasuko makataronganon, kay wala pa sila makasabot, ni ang mga tinun-an, ni ang ubang tawo, nga si Jesus tinuod nga Anak sa Dios. Busa nangahilom sila pag-ingon ni Jesus: Kon nag-ayo ko sa lawas sama sa Dios, nganong dili man ko mopasaylo sama usab sa Dios?

Nangasuko ang uban ug nangutana, kinsa Siya? Apan gipakita ni Jesus nga Siya lang ang makaluwas sa tibuok nga tawo, lawas ug kalag.

7.  Pangamuyo:  (tanan)

Bulahan siya nga nagtagad sa mga kabos,

Kay tabangan siya sa Ginoo panahon sa iyang kalisdanan

Panalipdan siya sa Ginoo, ang iyang kinabuhi ampingan. Amen.