KADIYOT LANG. . .

“Bring love into your home!”

Mao kini ang gipamulong ni Mother Teresa sa iyang reflexion bahin sa kahimtang sa kalibutan nga napuno na sa kasakitan ug kaguliyang. Violence here, violence there. Morag walay kahigayonan nga magkahiusa ang kanasuran aron makab-ot ang tiunay nga kalinaw sa tibuok kalibutan.

“There is so much suffering because there is so very little love in homes and in family life. We have no time for our children, we have no time for each other, there is no time to enjoy each other in the home. In the home begins the disruption of the peace of the world,”  nagkanayon si Mother Teresa.

Sa ato pa, kining kagubot karon sa kalibutan, nagagikan sa pagkabuak ug sa walay pagsinabtanay sa banay. Atong hinumdoman nga ang tema sa atong pagsaulog sa Fiesta Señor, mao ang pagpalig-on sa banay… kini tungod kay adunay mga efforts somewhere nga buot mosiak ug mobungkag sa atong mga pamilya.

Ug atong nakita nga ang forces of evil medyo nagmalampuson. Mao kini ang gikabalak-an ni Mother Teresa. Wala na kitay panahon alang sa atong mga anak. Wala na mo-exist ang “home sweet home “ alang sa uban. Busy na kaayo si Mommy ug Daddy. Ang mga balay gihimo na lang nga sleeping quarters. Ang mga anak mora na lang og nagpuyo og apartment.  Unsaon pag-develop sa gugma niining maong kahimtang?

Si Cecil Lim sa Didache miawhag: “Let’s learn to value our family. Spend time with your children. Forgive your parents. Show concern for your siblings. By uniting our families, we begin to unite the world.”

Mangutana ta: maka-unite ba sa atong mga banay ang RH Bill? Ang condom ug mga contraceptives ba ang makapalig-on sa atong banay?  Ang diborsyo ug same sex marriages mao bay solusyon pagdala sa gugma sulod sa panimalay?

Mipadayon si Mother Teresa: “Bring love into your home for this is where our love for each other must start”

Busa kon maghisgot kitag gugma ug pananghiusa sa kalibutan, kining tanan magsugod sa atong mga panimalay.

By the way, anak, when was the last time, nga nagkakuyog mo sa imong Daddy ug Mommy pagsimba, o pagpangaon sa gawas, o pagpangaligo sa dagat, o pag-shopping sa mga mall o sa Carbon market, o pagtan-aw sa TV together sulod sa balay?