Date: May 22, 2011

GIYA SA BEC/GKS MAKALIPANG

Giandam sa BEC Secretariat

Mayo 29, 2011

IKA-UNOM NGA DOMINGO SA PAGKABANHAW

TEMA: “MAKAKITA MO NAKO KAY AKO BUHI UG KAMO MABUHI USAB”

1.  Pasiuna sa Ebanghelyo:

Sa atong Ebanghelyo, si Jesus nagkanayon nga dili kita Niya biyaan nga ilo hinunoa mobalik Siya kanato. Apan unsaon man Niya pagtuman kini? Ug Siya nag-ingon nga hangyoon Niya ang Amahan aron hatagan kita ug lain pang maghuhupay nga mag-uban kanato kanunay nga mao ang Espiritu Santo.

2.  Pagbasa, Pagpaminaw, Pagpamalandong sa  Pulong sa Dios:

(Kalambigitan sa Kinabuhi ug sa Pulong sa Dios)

Unang Pagbasa              :   Buhat 8:5-8, 14-17

Ikaduhang Pagbasa      :   1 Pedro 3:15-18

Ebanghelyo                     :   Juan 14:15-21

3.  Kahilum (Paghatag og higayon nga ang Ginoo mosulti kanato):

Mga pangutana isip giya sa pamalandong ug paambitay:

a)   Unsay pulong o mga pulong ang nakatandog kanako  sa maong Ebanghelyo?  Ngano man?

b)   Unsay mensahe niini para kanako nga akong ikapaambit sa akong mga kaubanan sa BEC selda?

4.  Pag-inambitay (Hatagan og higayon ang matag-usa sa pag-paambit sa ilang kasinatian sumala sa Ebanghelyo nga gibasa):

5.  Lihok-Sulbad (Pagahimoon human sa paambitay):

Pag-estorya ug unsa ang mga buluhaton nga himoon:

a)   Pagtaho sa miagi nga buluhaton.

b)   Unsay bag-ong buluhaton nga himoon?

6.  Kinabuhi ug Pagtulon-an sa Simbahan (Pagabasahon human sa paambitay):

. . . naa Ko sa Amahan ug kamo nia Nako, ug Ako usab naa ninyo. Nahimo kitang mag-aambit sa pamilya sa Dios. Mao nga dili na angay nga maghisgot ta sa pagduol sa Dios nga morag layo siya nato. Dili na angay’ng isipon ang Dios nga usa ka persona nga naa sa atong atubangan. Nasulod na ta sa katingalahang kinabuhi sa mga persona sa Dios. Dili kini mahimo tali sa mga butang material, apan mahimo sa mga butang espirituhanon.

. . . Iya mong padad-ag laing Maglilipay nga mouban ninyo sa kahangturan. . . Ang gipasabot ni Jesus mao ang Espiritu Santo nga gitawag niya’g Paraklet. Kining Grieyego nga pinulongan dunay daghang kahulogan. Gigamit nato dinhi ang maglilipay. Ang Espiritu molipay usab nato sa pagsaobt og paghubad sa mga pulong ni Jesus sa tanang panahon.

7.  Pangamuyo: (tanan)

Dayga ang atong Dios, o kanasuran

Kay giamoma kita Niya uban sa mga buhi,

Busa magsadya kita diha Kaniya.  Amen.