ARSOBIPO PALMA NANGULO SA MGA KALIHOKAN SA SEMANA SANTA 2011
Isyu sa Abril 24, 2011
Makita sa mga hulagway ang arsobipso atol sa Pagbendita sa mga Lukay.
Si Arsobispo Jose S. Palma mibukas sa kasaulogan sa Semana Santa pinaagi sa Pagbendita sa mga Lukay didto sa Cebu Metropolitan Cathedral niadtong Abril 17, Domingo sa Pasyon. Ang maong seremonyas sa pagbendita sa mga lukay gipahigayon sa pagsugod sa Santos nga Misa sa alas 8:00 sa buntag nga iyang gisaulog didto sa Katedral sa iyang unang pagsaulog sa Semana Santa isip Arsobispo sa Sugbo.
Sa iyang wali, mipahinumdum ang arsobispo nga ang Semana Santa dili panahon sa bakasyon ug paglulinghayaw kondili mga adlaw sa pag-ampo ug pagpalandong, ilabi na dakong gugma sa Dios alang kanato nga tungod niini iyang gipadala ang iyang bugtong Anak.
Sa pagka gabii sa bisperas sa Palm Sunday, mihimamat usab siya sa mga batan-on sa Sugbo didto sa Argao diin gipahigayon sa Local World Youth Day (LWYD). Sa Dialogue with the Archbishop nga gihimo uban sa 3,500 ka mga batan-on nga gikan sa nagkalainlaing mga parokya sa Sugbo, iyang gipahinumduman ang mga batan-on nga si Cristo gayud, ug dili ang Google, mao ang tubag sa mga pangutana sa kinabuhi.
Si Arsobispo Palma mao ang nangulo sa mga kalihokan sa Semana Santa sa katedral diin lakip niini mao ang iyang paghatag sa Panapos nga pamalandongsa Siete Palabras, pagpangulo sa Tinieblas sa Huwebes, Biyernes ug Sabado Santo, Misa sa Kataposang Panihapon sa Huwebes Santo, Veneration of the Cross sa Biyernes Santo ug sa Easter Mass human sa Sugat sa Katedral sa alas 4:00 sa kaadlawon.
